თბილისი, 26 სექტემბერი — Sputnik. მდინარე იორდანეს დასავლეთ ნაპირზე მდებარე ებრაულ დასახლებაში შესვლისას პალესტინელმა ბოევიკმა ცეცხლი გახსნა და ისრაელის სამი მოქალაქე მოკლა, იუწყება РИА Новости.
პალესტინელი ცდილობდა იერუსალიმიდან ჩრდილო-დასავლეთით მდებარე დასახლებულ პუნქტ ჰარ-ადარში შეღწევას, მაგრამ დაცვის ეჭვი გამოიწვია, რომელმაც მას გაჩერება უბრძანა.
პალესტინელმა პისტოლეტი ამოიღო და ახლო მანძილიდან სასაზღვრო პოლიციის მებრძოლების მისამართით ცეცხლი გახსნა.
მესაზღვრეებმა საპასუხო ცეცხლი გახსნეს და პალესტინელის ნეიტრალიზება მოახდინეს.
ურთიერთსროლის შედეგად დაიჭრა ოთხი ადამიანი, სამი მათგანი მოგვიანებით საავადმყოფოში გარდაიცვალა, განაცხადეს პოლიციაში.
თავდამსხმელი მეზობელი არაბული სოფელ ბეით-სურიკის 37 წლის მცხოვრები აღმოჩნდა. მას ისრაელის ობიექტებზე მუშაობის ნებართვა ჰქონდა.
დასახლებულ პუნქტ ჰარ-ადარში მომხდარმა თავდასხმამ სიმშვიდის შედარებით ხანგრძლივი პერიოდი შეწყვიტა და ბოლო ორი წლის განმავლობაში ის ერთ-ერთი ყველაზე სისხლისმღვრელი ეპიზოდი გახდა.
