თბილისი, 24 სექტემბერი — Sputnik. საქართველოს მართლმადიდებელი ეკლესია კრწანისის ბრძოლაში დაღუპული წმინდანების ხსენებას აღნიშნავს.
დღესასწაულთან დაკავშირებით, ტაძრებში წირვა ჩატარდება.
1795 წელს საქართველოს აღა-მაჰმად-ხანი 35-ათასიანი ჯარით შემოესია. ქართლ-კახეთისა და სპარსეთის ლაშქარს შორის ბრძოლა კრწანისის ველზე გაიმართა. ქართველთა ჯარი მტერზე ბევრად მცირერიცხოვანი იყო. 300 არაგველი და სხვა მებრძოლები უთანასწორო ბრძოლაში გმირულად დაიღუპნენ. სპარსელებმა თბილისი ჯერ გაძარცვეს, შემდეგ დაარბიეს და გადაწვეს, მრავალი ათასი მცხოვრები ტყვედ წაიყვანეს.
კრწანისის ომში დაღუპული 300 არაგველი და სხვა მებრძოლები საქართველოს მართლმადიდებელი ეკლესიის წმინდა სინოდმა წმინდანად შერაცხა.
