ფიქრია ჩიხრაძე: მთავარი პრობლემა პოლიტიკური ნების დეფიციტია
„სასიცოცხლოდ აუცილებელია, რომ შევქმნათ ქმედითი, კრიზისების თავიდან ამცილებელი დოკუმენტი, რომლითაც იცხოვრებს ჩვენი ქვეყანა გრძელვადიან პერიოდში, თორემ გამოვა ერთჯერადი კონსტიტუცია, რომელიც იცოცხლებს მხოლოდ იმ ვადით, რა ვადითაც „ქართული ოცნება" იქნება ხელისუფლებაში", — განუცხადა ფიქრია ჩიხრაძემ ტელეკომპანია „იმედს".
პრეზიდენტი და ოპოზიციური პარტიები პროპორციული საარჩევნო სისტემის დაუყოვნებლივ შემოღებასა და პრეზიდენტის პირდაპირი არჩევის წესის შენარჩუნებაზე, ასევე ბარიერის 3%-მდე დაწევისა და საარჩევნო ბლოკების შენარჩუნების საკითხებზე შეთანხმდნენ.
კონსტიტუციის საბოლოო ვერსიას პარლამენტი მომდევნო კვირას მესამე მოსმენით უყრის კენჭს. მანამდე კი, სავარაუდოდ, 22 სექტემბერს, ვენეციის კომისიის დასკვნა გახდება ცნობილი.
