თბილისი, 19 სექტემბერი — Sputnik. მსოფლიო ფეხბურთის ყოფილი ვარსკვლავები — ფრანჩესკო ტოტი, პაოლო მალდინი, რივალდო, ხავიერ ძანეტი, კარლეს პუიოლი, ანდრეი შევჩენკო და სხვა მრავალი ვარსკვლავი ესტუმრება თბილისს, რათა მონაწილეობა მიიღონ საქველმოქმედო მატში, ნათქვამია საქართველოს ფეხბურთის ფედერაციის (სფფ) ვებ-გვერდზე გავრცელებულ განცხადებაში.
15 სექტემბერი 2017, 10:04
საქველმოქმედო საფეხბურთო მატჩი საქართველოსა და მსოფლიო ნაკრებებს შორის "დინამო არენაზე" 29 სექტემბერს გაიმართება, რომელიც თბილისის დროით 21:00 სათზე დაიწყება.
მატჩის ბილეთების გაყიდვიდან შემოსული თანხა ბორჯომის ტყის აღდგენას მოხმარდება, რომელიც ამ ზაფხულს ძლიერი ხანძრების შედეგად განადგურდა.
ბილეთების გაყიდვა 19 სექტემბერს დაიწყება, რომლის ღირებულება 5-დან 25 ლარის ფარგლებში იქნება.
