ნიუ-იორკში ავტობუსების შეჯახებას მსხვერპლი მოჰყვა

© REUTERS / FDNY/Handoutავტობუსების შეჯახება ნიუ-იორკში
ავტობუსების შეჯახება ნიუ-იორკში - Sputnik საქართველო
გამოწერა
НовостиTelegram
როგორც პოლიცია იუწყება, შეჯახების შედეგად გარდაცვლილთაგან ერთი ტურისტული ავტობუსის მძღოლია, მეორე — მგზავრი და მესამე — გამვლელი.

თბილისი, 18 სექტემბერი — Sputnik. ნიუ-იორკში ერთმანეთს ტურისტული და სამარშრუტო ავტობუსები შეეჯახა, რის შედეგადაც სამი ადამიანი დაიღუპა, ხოლო 16  დაშავდა, იუწყება საინფორმაციო სააგენტო РИА Новости ნიუ-იორკის მერ ბილ დე ბლაზიოზე დაყრდნობით.

ინციდენტი დღეს მოხდა ქვინსში.

„ამ დროისათვის ცნობილია, რომ დაღუპულია სამი ადამიანი… 16 დაშავდა, რომელთაგან რამდენიმე კრიტიკულ მდგომარეობაშია“, — განაცხადა დე ბლაზიომ პრესკონფერენციაზე.

მისი თქმით დაშავებულები სხვადასხვა საავადმყოფოებში არიან გადაყვანილები.​

​სატრანსპორტო კომპანია Metropolitan Transportation Authority-ს ხელმძღვანელმა ჯო ლჰოტამ დაადასტურა დაღუპულებისა და დაშავებულების შესახებ ინფორმაცია და აღნიშნა, რომ გარდაცვლილები ნიუ-იორკის მცხოვრებლები იყვნენ.

როგორც პოლიცია იუწყება, შეჯახების შედეგად გარდაცვლილთაგან ერთი ტურისტული ავტობუსის მძღოლია, მეორე — მგზავრი და მესამე — გამვლელი.

ყველა ახალი ამბავი
0