თბილისი, 16 სექტემბერი — Sputnik. გურჯაანი-თბილისის ცენტრალურ მაგისტრალზე ავროსაგზაო შემთხვევა მოხდა, იუწყება ტელეკომპანია "რუსთავი 2" (Rustavi 2).
ერთმანეთს „მერსედესის" და „ჟიგულის" მარკის ავტომანქანები შეეჯახა.
შემთხვევის შედეგად „ჟიგულის" მძღოლი, 48 წლის მამაკაცი ადგილზე გარდაიცვალა.
დაშავდა 3 მგზავრი. ისინი სასწრაფო სამედიცინო დახმარების ბრიგადებმა გურჯაანის რაიონულ საავადმყოფოში გადაიყვანეს.
მომხდარის დეტალებს პოლიცია არკვევს. წინასწარი მონაცემებით, ავარიის მიზეზი გადაჭარბებული სიჩქარეა.
