თბილისი, 15 სექტემბერი — Sputnik. კონტრტერორისტული პოლიციის თანამშრომლები მეტროსადგურ „პარსონ-გრინზე“ ინციდენტის ადგილზე მივიდნენ, სადაც დილით აფეთქება მოხდა, იუწყება სააგენტო РИА Новости.
აფეთქება მეტროსადგურ „პარსონ-გრინზე“ პიკის საათებში, 08:20 საათზე მოხდა. ტაბლოიდ The Sun-ის მონაცემებით, 20 ადამიანი დაზარალდა. პერსონ-გრინი მშვიდი რაიონია, სადაც ბევრი უცხოელი, სტუდენტი და ნაკლებად მდიდარი ბრიტანელები ცხოვრობენ.
Video immediately after #explosion at #parsonsgreen. pic.twitter.com/RwZjvDTIp6
— Shomrim N.W. London (@shomrimlondon) 15 сентября 2017 г.
„ამ ეტაპზე ჩვენ მომხდარ ფაქტს განვიხილავთ როგორც ტერორიზმთან დაკავშირებულ ინციდენტს. გამოძიებას საკუთარ თავზე იღებს კონტრტერორისტული განყოფილება“, — განაცხადა პოლიციის თანამშრომელმა ჟურნალისტებთან.
ლონდონის პოლიცია მოსახლეობას მეტროსადგურ „პარსონ-გრინის“ მიმდებარე ტერიტორიაზე გადაადგილებისგან თავის შეკავებას ურჩევს.
მანამდე, The Sun-ი „პლასტმასის სათლში დამონტაჟებული ბომბის“ შესახებ ავრცელებდა ინფორმაციას და ასევე აცხადებდა, რომ სამართალდამცველებმა „მეორე ასაფეთქებელი მოწყობილობა იპოვეს და მიმდინარეობს მისი გაუვნებელყოფა“.
We have a number of resources and specialists officers in attendance at the incident at #ParsonsGreen tube station https://t.co/GYOEv6kMua pic.twitter.com/bdiCr4hWcZ
— London Fire Brigade (@LondonFire) 15 сентября 2017 г.
შემთხვევის ადგილზე მობილიზებულია პოლიციის, „სასწრაფო დახმარებისა“ და სახანძრო ბრიგადები, ასევე საგანგებო სიტუაციების თვითმფრინავი.
მიმდინარეობს გამოძიება.
