თბილისი, 14 სექტემბერი — Sputnik. ინდოეთში, მდინარე იამუნზე კატარღა ამობრუნდა. მასზე 60 ადამიანი იმყოფებოდა. დაიღუპა, სულ მცირე, 15 ადამიანი, იუწყება საინფორმაციო სააგენტო РИА Новости სააგენტო ANI-ზე დაყრდნობით.
ინციდენტი ხუთშაბათ დილით უტარ-პრადეშის შტატში მოხდა. შემთხვევის ადგილი დელიდან რამდენიმე ათეულ კილომეტრშია.
სააგენტოს ცნობით, კატარღაზე 60 ადამიანი იმყოფებოდა. აქედან 12 გადაარჩინეს. საგანგებო სამსახურები სამაშველო ოპერაციას განაგრძობენ.