თბილისი, 13 სექტემბერი — Sputnik. საქართველოს შავი ზღვის სანაპიროზე მოსალოდნელი შტორმის გამო ცურვა აკრძალულია, იუწყება საინფორმაციო სააგენტო Новости-Грузия შსს-ს საგანგებო სიტუაციების მართვის სააგენტოზე დაყრდნობით.
მოსალოდნელია ძლიერი ქარი და შტორმი, რომელმაც შეიძლება ოთხ ბალს მიაღწიოს.
„როგორც კი ვიღებთ ინფორმაციას, მაშინვე ვიწყებთ პრევენციული ღონისძიებების გატარებას — აღვმართავთ წითელ ალმებს, რაც ნიშნავს, რომ ცურვა აკრძალულია“, — განაცხადა საგანგებო სიტუაციების მართვის სააგენტოს პრეს-სამსახურის წარმომადგენელმა.
გარდა ამისა, მაშველები დამსვენებლებს საფრთხის შესახებ სიტყვიერად აფრთხილებენ და მათ რჩევებს აძლევენ.
ზღვაში ცურვა მას შემდეგ იქნება დასაშვები, რაც პლაჟებზე თეთრი ალმები აღიმართება.
