უსუფაშვილი: სააკაშვილი ევრაზიული მასშტაბის ავანტიურისტია
„დიდი ხანია ვამბობ და ამას ვეუბნებოდი ჩვენს უკრაინელ მეგობრებსაც, რომ ბატონ სააკაშვილთან ჯობს იყოთ ფრთხილად. ის ევრაზიული მასშტაბის ავანტიურისტია, რომელსაც ერთადერთი რამ ამოძრავებს — საკუთარი პატივმოყვარეობის დაკმაყოფილება და ამისთვის მზადაა ნებისმიერ მსხვერპლზე წავიდეს, ოჯახის წევრების მსხვერპლად შეწირვაზეც კი", – განუცხადა დავით უსუფაშვილმა ტელეკომპანია „იმედს".
უკრაინაში მიხეილ სააკაშვილის ქვეყანაში შესვლაზე აღიძრა სისხლის სამართლის საქმე საზღვრის უკანონო გადაკვეთის ბრალდებით. ამ დანაშაულისთვის უკრაინის სისხლის სამართლის კოდექსი 5 წლამდე თავისუფლების აღკვეთას ითვალისწინებს. ლვოვში სააკაშვილი მას შემდეგ ჩავიდა, რაც უკრაინა-პოლონეთის სასაზღვრო პუნქტთან მისმა მხარდამჭერებმა ცოცხალი კორდონი გაარღვიეს.
