თბილისი, 11 სექტემბერი— Sputnik. საბურთალოს ხაზზე მგზავრთა მომსახურება ჩვეულ რეჟიმში აღდგენილია, ნათქვამია თბილისის სატრანსპორტო კომპანიის ვებ-გვერდზე.
11 სექტემბერს, საღამოს თბილისის მეტროპოლიტენის ერთ-ერთ ხაზზე ძაბვის ვარდნის გამო მგზავრების მომსახურება დროებით შეჩერდა. ადგილზე სპეციალისტების ჯგუფი გავიდა, რომელმაც შექმნილი ხარვეზი დროულად აღმოფხვრა.
ამჟამად თბილისში მეტროს 22 სადგური ფუნქციონირებს, რომელიც ორ ხაზზეა განლაგებული — ახმეტელი-ვარკეთილის და საბურთალოს ხაზებზე. მეტროპოლიტენის ხაზების საერთო სიგრძე 56 კილომეტრია.
