თბილისი, 9 სექტემბერი — Sputnik. კახეთში, გურჯაანის მუნიციპალიტეტის სოფელ მელაანის გადასახვევთან შაბათს ერთმანეთს ოთხი მანქანა შეეჯახა, იუწყება ტელეკომპანია „იმედი“ (Imedi).
ერთმანეთს Ford-ის მარკის სამარშრუტო ტაქსი და სამი მსუბუქი ავტომობილი შეეჯახა.
ავტოავარიის შედეგად 11 ადამიანი დაშავდა. ერთ-ერთი დაშვებული 15 წლის მოზარდია, მისი მდგომარეომა მძიმეა. ის გურჯაანის საავადმყოფოშია გადაყვანილი და მართვად სუნთქვაზე იმყოფება.
დანარჩენმა დაშავებულებმა სხეულის მსუბუქი დაზიანება მიიღეს.
აღძრულია სისხლის სამართლის საქმე სსკ-ის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
