თბილისი, 10 სექტემბერი — Sputnik. საქართველოს მესამე პრეზიდენტი, ოდესის ოლქის ყოფილი გუბერნატორი მიხეილ სააკაშვილი თავის მომხრეებთან ერთად სასაზღვრო გამშვები პუნქტის გავლით პოლონეთიდან უკრაინაში გადავიდა. იტყობინება ტელეკომპანია „რუსთავი 2".
ტელეკომპანიის ინფორმაციით, ამ წუთებში მიხეილ სააკაშვილი თავის მომხრეებთან ერთად უკრაინის საზღვრის სასაზღვრო ზონის შიდა პერიმეტრიდან ფეხით მიემართება ტრანსპორტისაკენ, რათა ყველანი ერთად კიევისკენ გაემართონ.
კორდონის გარღვევამდე, მესაზღვრეები მიხეილ სააკაშვილსა და რადას დეპუტატებს უცხადებდნენ, რომ საზღვარზე გადასვლა არ შეიძლებოდა, რადგან ტერიტორია დანაღმული იყო და ადგილზე განაღმვითი სამუშაოები მიმდინარეობდა.
