თბილისი, 8 სექტემბერი — Sputnik. თურქეთის ქალაქ ანტალიის ერთ-ერთ სასტუმროში საქართველოს მოქალაქე გარდაიცვალა. ის სასტუმროში მუსიკოსად მუშაობდა, იუწყება საინფორმაციო სააგენტო Новости-Грузия.
ინფორმაცია საქართველოს მოქალაქის გარდაცვალების შესახებ საგარეო საქმეთა სამინისტროში დაადასტურეს. უბედური შემთხვევა კვირის დასაწყისში მოხდა. ცხედარი უკვე ჩამოასვენეს სამშობლოში.
მასმედიაში გავრცელებული ინფორმაციით, დაღუპულია 59 წლის მამაკაცი, რომელიც სასტუმროში მუსიკოსად მუშაობდა. მან სასტუმროს ნომერში თავი შეუძლოდ იგრძნო, მეგობარმა დასახმარებლად ექიმებს მიმართა, თუმცა მისი გადარჩენა ვეღარ მოხერხდა.