თბილისი, 7 სექტემბერი — Sputnik. ფოთში მოსულმა ძლიერმა წვიმამ პრობლემები შექმნა, ამის შესახებ ადგილიდან „Sputnik-საქართველოს“ კორესპონდენტი იტყობინება.
დაიტბორა რამდენიმე ცენტრალური ქუჩა. ქალაქში წყლები დგას, რის გამოც გადაადგილების პრობლემა ექმნება ავტომობილებს და ქვეითად მოსიარულეებს.
როგორც ფოთის მერიის ინფრასტრუქტურის სამსახურის უფროსი, ზურაბ ჯამბურია აცხადებს, ქალაქში არსებული შვიდივე სატუმბი სადგური გამართულად მუშაობს, თუმცა უხვი ნალექის გამო, წყალს გადინება უჭირს.
როგორც ადგილობრივები აცხადებენ, ქალაქში ყოველი წვიმის დროს, მსგავსი პრობლემები იქმნება, რადგანაც სანიაღვრე არხები გაუმართავია.
ამდროისთვის ფოთში აღარ წვმიმს, თუმცა მოსახლეობა შიშობს, თუ უხვი ნალექი კვლავ გაგრძელდა, მათი საცხოვრებელი სახლების ეზოებიც დაიტბორება.
ჯემალ ღამბაშიძე
