თბილისი, 6 სექტემბერი — Sputnik. საქართველოს ფეხბურთის ნაკრებმა 2018 წლის მსოფლიო ჩემპიონატის შესარჩევ მატჩში ავსტრიის წინააღმდეგ შეხვედრა 1:1 დაასრულა. მატჩი ვენაში გაიმართა.
ქართველი ფეხბურთელები უკვე მერვე წუთზე დაწინაურდნენ — გოლი ვაკო გვილიამ გაიტანა.
გაშვებული ბურთის შემდეგ მასპინძლებმა ინიციატივა აიღეს და ანგარიშის გათანაბრება პირველი ტაიმის ბოლოს მოახერხეს. გოლის ავტორია ლუის შაუბი.
მეორე ტაიმში გუნდებმა რამდენიმე საშიში მომენტი შექმნეს, თუმცა — უშედეგოდ.
შესარჩევ D ჯგუფში ჩატარებული რვა მატჩის შემდეგ საქართველოს ნაკრებს ხუთი ქულა აქვს და მეხუთე ადგილს იკავებს.
ამავე ჯგუფის პარალელურ მატჩებში ირლანდიამ საკუთარ მოედანზე სერბეთს დაუთმო — 0:1, ხოლო უელსმა გასვლით თამაშში მოლდოვას ასეთივე ანგარიშით მოუგო.
მსოფლიო ჩემპიონატის შესარჩევ შემდეგ მატჩს საქართველოს ნაკრები 6 ოქტომბერს უელსის წინააღმდეგ თბილისში გამართავს.
