თბილისში გოგონამ შეყვარებულის გამო სუიციდის ინსცენირება მოაწყო

© Sputnik / Levan Avlabreliგალაკტიონის ხიდი
გალაკტიონის ხიდი - Sputnik საქართველო
გამოწერა
შეყვარებულზე განაწყენებული გოგონას დაქალმა შსს-ში დარეკა და განაცხადა, რომ მისი დაქალი მტკვარში ჩახტა.

თბილისი, 6 სექტემბერი — Sputnik. მტკვარში გოგონას ორდღიანი ძებნის შემდეგ პოლიციელებმა ის ახლობლის სახლში საღ-სალამათი აღმოაჩინეს, იუწყება საინფორმაციო სააგენტო Новости-Грузия შსს-ს პრესსამსახურზე დაყრდნობით.

საპატრულო ავტომობილი შემთხვევის ადგილზე - Sputnik საქართველო
მტკვარში ახალგაზრდა ქალს ეძებენ

როგორც გაირკვა, გოგონამ სუიციდის ინსცენირება მოაწყო, რადგან შეყვარებულზე ნაწყენი იყო. მან თავის დაქალს შსს-ში დარეკვა და იმის თქმა სთხოვა, რომ ის მტკვარში ჩახტა.

გოგონას ძებნა, რომელიც, დაუზუსტებელი ინფორმაციით, 22 წლის არის, სამშაბათს საღამოს დაიწყო.

შსს-ს მონაცემებით, ამ შემთხვევაში სისხლის სამართლის საქმე არ აღიძრება და სამართალდამცველებთან გასაუბრების შემდეგ მას სახლში გაუშვებენ.

ყველა ახალი ამბავი
0