თბილისი, 2 სექტემბერი — Sputnik. ქუთაისსა და ზესტაფონს შორის ტრაილერი ავტომაგისტრალიდან გადავიდა და გადაბრუნდა, ავტოავარიის შედეგად დაშავდა ტრაილერის მძღოლი, თურქეთის 57 წლის მოქალაქე, იუწყება ტელეკომპანია Rustavi2.
დაზარალებული მკერდისა და თავის არეში ღია ჭრილობებით ქუთაისის საავადმყოფოში გადაიყვანეს.
აღძრულია სისხლის სამართლის საქმე სსკ-ის 276-ე მუხლით „ტრანსპორტის მოძრაობის უსაფრთხოებისა ან ექსპლუატაციის წესების დარღვევა", რაც ისჯება ჯარიმით ან თავისუფლების შეზღუდვით 3 წლამდე ვადით, ან თავისუფლების აღკვეთით 4 წლამდე ვადით.
