თბილისი, 1 სექტემბერი — Sputnik. საგანგებო სიტუაციების მართვის სააგენტოს თანამშრომლებმა ბოლო 24 საათში ურეკსა და ფოთში 12 ადამიანი გადაარჩინეს, აღნიშნულია საქართველოს შსს-ს განცხადებაში.
უწყების მონაცემებით, გადარჩენილთა შორისაა უცხოეთის ქვეყნების შვიდი მოქალაქე. მათგან ყველაზე უფროსი 73 წლის მამაკაცია აღმოჩნდა, ხოლო ყველაზე უმცროსი — 5 წლის ბიჭუნა.
ხუთშაბათს მეტეოროლოგიური პირობების გაუარესების გამო შავი ზღვის სანაპირო ზოლზე შტორმის მდგომარეობა ამოქმედდა. შსს-ს მაშველები უწყვეტად ახორციელებდნენ სანაპირო ზოლის მონიტორინგს. ყველა პლაჟზე აღმართეს წითელი ალმები, რაც ბანაობის აკრძალვას ნიშნავს.
დღეს შტორმის გაფრთხილება მოიხსნა და პლაჟებზე წითელი თეთრმა ალმებმა შეცვალა — ანუ, ზღვაში ცურვა უსაფრთხოა.
