თბილისი, 26 აგვისტო — Sputnik. ავტოსაგზაო შემთხვევა მოხდა გუდაურში, ჯვრის უღელტეხილზე, იუწყება ტელეკომპანია "იმედი".
თბილისიდან გუდაურისკენ მიმავალი ტრაილერის მძღოლმა მოსახვევში საჭე ვერ დაიმორჩილა და ამობრუნდა.
ავარიის შედეგად მძღოლმა მრავლობითი დაზიანებები მიიღო. იგი სასწრაფო სამედიცინო დახმარების ბრიგადამ საავადმყოფოში გადაიყვანა.
ადგილზე სამართალდამცველები მუშაობენ.