თბილისი, 22 აგვისტო — Sputnik. ამერიკულმა კომპანიებმა დაახლოებით 700 მლნ დორალი იზარალეს გუშინ, 21 აგვისტოს მომხდარი „დიდი ამერიკული დაბნელების“ დროს.
მიუხედავად იმისა, რომ ამერიკის ცალკეულ შტატებში ტურისტების სიჭარბე იგრძნობოდა, რამაც მნიშვნელოვანი შემოსავალი მოუტანა მათ ბიუჯეტს, მთლიანობაში აშშ-ის ეკონომიკას პოტენციური ზარალი მიადგა ამ ბუნებრივი მოვლენის გამო, იუწყება Sputnik-მოლდოვა.
ამერიკული მედია წერს, რომ ქვეყნის ეკონომიკამ 694 მლნ დოლარის ზარალი განიცადა. კომპანია Challenger-ის, Gray & Christmas-ის ანგარიშებში ნათქვამია, რომ აშშ-ის მოქალაქეებმა საშუალოდ 20 წუთი გაატარეს მზის დაბნელების თვალთვალში.
ხოლო გამოცემა USA Today-ს ცნობით, ტენესის შტატის ქალაქმა ნეშვილმა დაახლოებით 70 ათას ტურისტს უმასპინძლა და 15-20 მლნ დოლარი შემატა ბიუჯეტს, ხოლო სამხრეთ კაროლინამ 43 მლნ დოლარი „იშოვა“ ტურისტების ხარჯზე.
შეგახსენებთ: 2017 წლის 21 აგვისტოს მზის სრული დაბნელებისთვის თვალის დევნება მხოლოდ აშშ-ის ტერიტორიიდან იყო შესაძლებელი. სწორედ ამიტომ ბუნების ამ საოცრებას ასეც ეწოდა: „დიდი ამერიკული დაბნელება“.
