ია ფარულავა: ცოტა შემეშინდა, ვიფიქრე უნდა დამიჭირონ მეთქი
„80-იან წლებში სიონის ტაძრის მრევლი ვიყავი. ერთ-ერთი ლოცვის დროს ჩემთან მოვიდა უცნაურად ჩაცმული ქალბატონი და სახელი მკითხა. ცოტა შემეშინდა, ეკლესიაში სიარული იკრძალებოდა და ვიფიქრე უნდა დამიჭირონ მეთქი. ამ ქალბატონმა მითხრა, ნუ გეშინია ფილმში მინდა გადაგიღოო“, იხსენებს ფარულავა.
მსახიობის თქმით ეს ქალბატონი რეჟისორი ნანა ხატისკაცი აღმოჩნდა, რომელსაც ფარულავა „ნათლიდედაც“ კი უწოდებს. კასტინგის შემდეგ ია ფარულავა პირველ ფილმზე „გზის დასაწყისი“ დაამტკიცეს.
