თბილისი, 19 აგვისტო – Sputnik. ახალგაზრდა ქალი, რომელსაც ბათუმში, თამარის დასახლებაში სატვირთო მატარებელი დაეჯახა, მიღებული ტრავმებისგან საავადმყოფოში გარდაიცვალა, იუწყება ტელეკომპანია Imedi.
ინციდენტი კვირის დასაწყისში მოხდა. სატვირთო მატარებელი 44 წლის ქალს მაშინ დაეჯახა, როდესაც ისი ლიანდაგზე გადადიოდა.
აღნიშნულ ფაქტთან დაკავშირებით გამოძიება სისხლის სამართლის კოდექსის 275-ე მუხლის პირველი ნაწილით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და ხუთიდან შვიდ წლამდე ვადით თავისუფლების აღკვეთას ითვალისწინებს.
