სპეცოპერაცია საქართველოში: კიდევ ერთი ნარკორეალიზატორი დააკავეს

გამოწერა
НовостиTelegram
მასმედიის ინფორმაციით, 3 თვის წინ ნარკოდანაშაულისთვის ბრალდებულის დედა დააკავეს.

თბილისი, 16 აგვისტო — Sputnik. შსს-ს თანამშრომლებმა გარდაბნის რაიონში, ე.წ. ზოოვეტის დასახლებაში ნარკოდანაშაულის ბრალდებით 26-წლის მამაკაცი დააკავა, ნათქვამია უწყების განცხადებაში.

სამართალდამცველებმა დაკავებულის პირადი და საცხოვრებელი სახლის ჩხრეკისას  44 შეკვრად დაფასოებული, სარეალიზაციოდ გამზადებული ნარკოტიკული საშუალება ჰეროინი ნივთმტკიცებად ამოიღო. 

გამოძიება ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ს 260-ე მუხლის 1-ლი ნაწილით), რაც 6 წლამდე ვადით თავისუფლების აღკვეთას ითვალისწინებს.

დაკავებულის ოჯახი შსს-ს ოფიციალურ ვერსიას არ ეთანხმება და მასმედიისთვის მიცემულ ინტერვიუში აცხადებს, რომ მას ნარკოტიკები ჩაუდეს. ჟურნალისტებმა ასევე გაარკვიეს, რომ 3 თვის წინ ანალოგიური ბრალდებით დაკავეს ბრალდებულის დედაც.

საქართველოში ბოლო რამდენიმე დღის განმავლობაში ნარკოდანაშაულის ბრალდებით უკვე  ხუთი ადამიანია დაკავებული.

 

 

 

ყველა ახალი ამბავი
0