თბილისი, 15 აგვისტო — Sputnik. რაჭა-ლეჩხუმისა და ქვემო სვანეთის რეგიონში, წესი-ურავის საავტომობილო გზაზე ქვათაცვენის გამო მძღოლებს გადაადგილება არ შეუძლიათ საღამოდან დილამდე, აღნიშნულია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ვებ-გვერდზე გამოქვეყნებულ განცხადებაში.
ავტოტრანსპორტის გადაადგილებაზე აკრძალვა ყოველდღიურად 19:00-დან 07:00 საათამდე დაწესებულია წესი-ურავის გზის მეხუთე კილომეტრზე. დანარჩენ დროს მოძრაობა თავისუფალია.
საქართველოს შსს-ს თანამშრომლები მოძრაობის წესების დაცვას თვალყურს მიადევნებენ, რადგან ქვათაცვენა პერიოდულად მეორდება. რამდენხანს იმოქმედებს შეზღუდვები, ჯერჯერობით უცნობია.