თბილისი, 15 აგვისტო — Sputnik. ისანი-სამგორის პოლიციის სამმართველოს მე-9 განყოფილების თანამშრომლებმა სოფელ ფონჭალაში ნარკორეალიზატორი დააკავეს, იუწყება შსს-ის პრესსამსახური.
„1987 წელს დაბადებული ე.ჯ., ნარკოტიკული საშუალების უკანონო შეძენა-შენახვისა და გასაღების ბრალდებით, სოფელ ფონიჭალაში დააკავეს“, — ნათქვამია პრესსამსახურის განცხადებაში.
გამოძიებამ დაადგინა, რომ დაკავებული ნარკოტიკულ საშუალებას სისტემატურად ყიდდა. პოლიციამ ე.ჯ.-ს მიერ მოქალაქისთვის მიყიდული, ოთხ შეკვრად დაფასოებული ჰეროინი ნივთმტკიცებად ამოიღო.
გამოძიება ნარკოტიკული საშუალების უკანონო შეძენა-შენახვისა და გასაღების ფაქტზე მიმდინარეობს (საქართველოს სსკ-ს 260-ე მუხლის 1-ლი და მე-4 ნაწილებით).
