თბილისი, 14 აგვისტო — Sputnik. „Sputnik საქართველოს“ მკითხველთა უმეტესობამ ზუსტად იცის, რა არის კრიპტოვალუტა, ასეთია სააგენტოს მიერ ჩატარებული გამოკითხვის შედეგები.
კითხვაზე, იცით თუ არა კრიპტოვალუტის შესახებ? გამოკითხვაში მონაწილეთა 42,9%-ის პასუხი იყო — კი, უხერხულია ამის არცოდნა. კრიპტოვალუტის შესახებ ინფორმაციას არ ფლობს მკითხველთა 35,7%.
გამოკითხვის თანახმად, კრიპტოვალუტა აქვს 14.3%-ს, ხოლო 1% კი ამდენმა ახალმა სიტყვამ დაღალა.
კრიპტოვალუტა — ეს ვირტუალური ფულია, რომლის მსოფლიო მიმოქცევა 4 მლრდ აშშ დოლარია. ბიტკოინი, რომლის კურსმაც ბოლო დროს ყველა რეკორდი მოხსნა, კრიპტოვალუტის ყველაზე ცნობილი მაგალითია.
