თბილისი, 13 აგვისტო — Sputnik. შინაგან საქმეთა მინისტრი თავს კარგად გრძნობს და მუშაობას ჩვეულ რეჟიმში განაგრძობს, იუწყება საინფორმაციო სააგენტო Новости-Грузия უწყების პრეს–სამსახურზე დაყრდნობით.
კვირას ქართულ მედიაში გაავრცელა ინფორმაცია, რომ შს მინისტრი შეუძლოდ გახდა და საავადმყოფოში გადაიყვანეს.
„ეს ინფორმაცია სიმართლეს არ შეესაბამება. გიორგი მღებრიშვილი თავს კარგად გრძნობს და მუშაობას ჩვეულ რეჟიმში განაგრძობს", – აღნიშნეს შსს–ს პრეს–სამსახურში.
მღებრიშვილის სახელმა უფრო ადრე რუს პრანკერებთან დაკავშირებულ სკანდალში გაიჟღერა, სადაც თითქოსდა საქართველოს შს მინისტრი უკრაინელ კოლეგას ესაუბრება. შსს ამ ინფორმაციას ასევე კატეგორიულად უარყოფს.
