თბილისი, 12 აგვისტო — Sputnik. საქართველოს ხელბურთის ახალგაზრდულმა ნაკრებმა ისლანდიასთან გამანადგურებელი ანგარიშით – 25:42 წააგო. მატჩი მსოფლიო ჩემპიონატის ფარგლებში გაიმართა, რომელიც ამ დღეებშში თბილისში მიმდინარეობს.
ისლანდიელებმა უპირატესობა თამაშის დაწყებიდანვე აიღეს ხელში და თითოეულ საშიშ მომენტს, პრაქტიკულად, მეტოქის კარში ზუსტი დარტყმით ასრულებდნენ.
მატჩის მეორე ნახევარში ბექა ორჯონიკიძის გუნდის წევრებმა მეტი მონდომებით ითამაშეს და ამან თავისი შედეგიც მოიტანა – მეორე ნახევარი ანგარიშით 18:17 დასრულდა.
"ჩვენ ჩავაგდეთ თამაშის დასაწყისი და ეს საბოლოო შედეგზე აისახა. ახლა ჩვენი მიზანია ჩილეს ნაკრები დავამარცხოთ და პლეი–ოფში გავიდეთ", – განაცხადა მატჩის შშემდეგ საქართველოს ნაკრების მთავარმა მწვრთნელმა ბექა ორჯონიკიძემ.
ორჯონიკიძემ მადლობა გადაუხადა ყველა გულშემატკივარს მხარდაჭერისთვის.
ჩატარებულ სამ ტურში საქართველომ ერთხელ გაიმარჯვა, ორჯერ – დამარცხდა. გუნდის აქტივში ორი ქულაა და მას В–ჯგუფში მეოთხე ადგილი უკავია,
შემდეგ მატჩს ქართველი ხელბურთელები 12 აგვისტოს ჯგუფის ლიდერთან –გერმანიის წინააღმდეგ გამართავენ.
