უჩა კორძაია: ქუთაისში ჩემი მეზობელი დიდებული პიროვნება ჟორა შავგულიძე იყო
„მე ნაღდი ქუთაისელი ვარ, ქუთაისში დაბადებული და გაზრდილი. მუსიკა ნიკოლოზ ედგარიძემ შემაყვარა, ამ კაცმა დიდი კვალი დატოვა ქალაქის ისტორიაში“, – განუცხადა „Sputnik–საქართველოს" უჩა კორძაიამ.
უჩა კორძაია საქსოფონისტი, პროფესიონალი ფლეიტისტია. ფლეიტის კლასი ჯერ ქუთაისის მუსიკალურ სასწავლებელში, შემდეგ კი კონსერვატორიის ქუთაისის ფილიალში დაამთავრა. ქუთაისის კონსერვატორიაში მისი მასწავლებელი რუსუდან ლორთქიფანიძე იყო. კორძაია მოგვიანებით ცნობილი ანსამბლის ვია „75“-ის წევრი გახდა.
