თბილისი, 10 აგვისტო — Sputnik. ქართველმა ძიუდოისტმა ლუკა კაპანაძემ (-55 კგ) ახალგაზრდულ მსოფლიო ჩემპიონატზე, რომელიც ჩილეს დედაქალაქ სანტიაგოში იმართება, ვერცხლის მედალი მოიპოვა, ნათქვამია ძიუდოს საერთაშორისო ფედერაციის (IJF) ვებ-გვერდზე.
ფინალში კაპანაძე თურქ მიჰრაკ აკუსს შეხვდა, მაგრამ ორთაბრძოლა დათმო.
მსოფლიო ჩემპიონატის მეორე დღეს ძიუდოისტები მედლების ოთხ კომპლექტს გაითამაშებენ — 2-2-ს ვაჟებსა და გოგონებს შორის. საქართველოს ნაკრები სამ წონით კატეგორიაში იქნება წარმოდგენილი: გიორგი კაპანაძე (-60 კგ), მიხეილ ბახბახაშვილი (-66 კგ) და ეკატერინე თათუნაშვილი (-52 კგ).
სანტიაგოში ახალგაზრდული მსოფლიო ჩემპიონატი 13 აგვისტომდე გაგრძელდება.
