თბილისი, 8 აგვისტო — Sputnik. სახელმწიფო ტელე-რადიოკომპანია „საქართველოს საზოგადოებრივი მაუწყებელი“ ტენდერს აცხადებს ახალი შენობის პროექტზე, ნათქვამია „საზმაუს“ ვებგვერდზე.
ტელეკომპანიის ინფორმაციით, ახალ კორპუსში განთავსდება ნიუსრუმი, ოთხი პავილიონი და ასევე სამსართულიანი პარკინგი.
გარდა ამისა, იგეგმება კიდევ ერთი შენობის განახლება და ტელევიზიის მიმდებარე ტერიტორიის მოწყობა.
ტენდერში მონაწილეობის მსურველთა განაცხადები 25 სექტემბრამდე მიიღება.
