თბილისი, 8 აგვისტო — Sputnik. თბილისში დაიწყო ხელბურთში მსოფლიო ჩემპიონატი ჭაბუკთა შორის (19 წლამდე), რომელიც 20 აგვისტომდე გაგრძელდება.
ტურნირში 24 ნაკრები მონაწილეობს, რომლებიც ექვსგუნდიან ოთხ ჯგუფად არიან დაყოფილი. პლეი-ოფის რაუნდში თითო ჯგუფიდან ოთხ-ოთხი გუნდი გადავა.
ჯგუფი „А" — საფრანგეთი, დანია, შვედეთი, ბაჰრეინი, ეგვიპტე, ნორვეგია.
ჯგუფი „В" — გერმანია, ისლანდია, საქართველო, ჩილე, იაპონია, ალჟირი.
ჯგუფი „С" — ხორვატია, პორტუგალია, არგენტინა, ბრაზილია, პოლონეთი, სამხრეთ კორეა.
ჯგუფი „D" — სლოვენია, ესპანეთი, სერბეთი, ტუნისი, რუსეთი, მექსიკა.
ტურნირის პირველ მატჩში მსოფლიოს მოქმედმა ჩემპიონმა ამ ასაკობრივ კატეგორიაში საფრანგეთის ნაკრებმა ბაჰრეინის გუნდს 42:20 სძლია.
საქართველოს ნაკრები პირველ მატჩს ალჟირის გუნდის წინააღმდეგ გამართავს. თამაში 19:00 საათზე დაიწყება. პარალელურად რუსეთი ესპანეთის ნაკრებს შეხვდება.
