თბილისი, 8 აგვისტო — Sputnik. მმართველი პარტია „ქართული ოცნება“ პირველ ადგილზეა ივლისში მიღებული შემოწირულობების რაოდენობით, ნათქვამია სახელმწიფო აუდიტის სამსახურის ვებ-გვერდზე გამოქვეყნებულ ინფორმაციაში.
სულ გასულ თვეში ქვეყანაში რეგისტრირებულმა პარტიებმა 1 329 337 ლარი მიიღეს.
აქედან საანგარიშო პერიოდში:
- „ქართულმა ოცნებამ“ — 1 270 ათასი ლარი;
- „ევროპულმა საქართველომ“ — 36,2 ათასი ლარი;
- „ეროვნულ-დემოკრატიულმა პარტიამ“ — 11 ათასი ლარი;
- „გირჩმა“ — 8,3 ათასი ლარი.
დედაქალაქის საკრებულოს დამოუკიდებელი დეპუტატისა და თბილისის მერობის კანდიდატ ალეკო ელისაშვილის ფონდს 3,1 ათასი ლარი გადაერიცხა შემოწირულობების სახით, ხოლო „საქართველოს ერთიან კომუნისტურ პარტიას“ — 268 ლარი.
ყველაზე მცირე თანხები შემოწირულობების სახით მიიღეს პარტიებმა:
- „საქართველოს მშვიდობისათვის“ — 200 ლარი;
- „ერთიანი ნაციონალური მოძრაობა“ — 102 ლარი;
- „რესპუბლიკური პარტია“ — 20 ლარი.