თბილისი, 7 აგვისტო — Sputnik. „Sputnik-საქართველოს" მკითხველთა უმეტესობას ინტერნეტით ფულის შოვნა არ უცდია, ამაზე მეტყველებს ახალი ამბების სააგენტოს მიერ ჩატარებული გამოკითხვის შედეგები.
კითხვაზე „ცდილობთ ინტერნეტის საშუალებით ფულის შოვნას?" 52,9%-მა უპასუხა, რომ არ უცდია; 23,5%-მა არ იცის, რომ ამ გზით ფულის შოვნა შეიძლება; ცდილობს, მაგრამ არაფერი გამოსდის 17,6%-ს, ხოლო რესპონდენტების 5,9% ფულს ონლაინ ნორმალურად გამოიმუშავებს.
ინტერნეტ-სივრცე დიდი ხანია, ფართო ბიზნეს-გარემოდ იქცა. ამჟამად ინტერნეტში თანხის შოვნის რამდენიმე ასეული სხვადასხვა საშუალება არსებობს.