თბილისი, 6 აგვისტო — Sputnik. ავღანეთში „მტკიცე მხარდაჭერის“ მისიის შესრულებისას დაღუპული ქართველი სერჟანტის, მდინარი ბებიაშვილის ცხედარი სამშობლოში ჩამოასვენეს, იუწყება თავდაცვის სამინისტროს პრესსამსახური.
სპეციალური რეისი ბაგრამის საავიაციო ბაზიდან აშშ-ის საჰაერო ძალების თვითმფრინავმა განახორციელა.
თბილისის საერთაშორისო აეროპორტში სამგლოვიარო ცერემონია ეროვნული გვარდის საპატიო ყარაულისა და სამხედრო ორკესტრის მონაწილეობით გაიმართა.
ცერემონიას ესწრებოდნენ საქართველოს პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი და მინსიტრთა კაბინეტის წევრები.
ბებიაშვილის ცხედარს ჯერ ექსპერტიზის ბიუროში გადაასვენებენ, ხოლო შემდგეგ მის მშობლიურ სოფელში — ზესტაფონის რაიონ მარტოთუბანში.
მდინარი ბებიაშვილს 10 აგვისტოს დაკრძალავენ.
