თბილისი, 5 აგვისტო-Sputnik. საქართველოს მოქალაქე იმ 36 დაზარალებულს შორისაა, რომლებიც თურქეთის ქალაქ მერზიფონში ავტობუსის ავარიაში მოყვნენ, იუწყება პირველი არხი.
სამგზავრო ავტობუსი, რომელიც სტამბულიდან სამსუნში მიემართებოდა, გზის სავალი ნაწილიდან გადავიდა და ამოტრიალდა. 5 ადამიანი გარდაიცვალა.
საქართველოს მოქალაქე, ამჟამად საავადმყოფოში იმყოფება. ექიმები მის მდგომარეობას დამაკმაყოფილებლად აფასებენ.
თურქეთი ლიდერობს იმ ქვეყნების ჩამონათვალში, სადაც საქართველოს მოქალაქეები დასასვენებლად მიემგზავრებიან. 2017 წლის იანვრიდან ივნისის ჩათვლით, თურქეთში იმყოფებოდა საქართველოს მილიონზე მეტი მოქალაქე.
