თბილისი, 4 აგვისტო — Sputnik. პოლიციამ ბათუმში უკრაინის 34 წლის მოქალაქე დააკავა, რომელსაც ბრალად ედება განსაკუთრებით დიდი ოდენობით ნარკოტიკების შეძენა და შენახვა, აღნიშნულია უწყების ვებ-გვერდზე განთავსებულ განცხადებაში.
სამართალდამცველებმა დაკავებულის პირადი ჩხრეკისას ბუპრენორფინის შემცველი ნარკოტიკული საშუალების 360 აბი და 79 ნატეხი ამოიღეს.
სისხლის სამართლის საქმე აღძრულია სსკ-ის მუხლით "განსაკუთრებით დიდი ოდენობით ნარკოტიკული საშუალების, მისი ანალოგის ან პრეკურსორის ამ ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა ან გადაგზავნა", რაც რვიდან ოც წლამდე ან უვადო პატიმრობას ითვალისწინებს.