ბათუმში ასობით ადამიანი ესტუმრა ისტორიაში პირველად გამართულ დიასპორის ფესტივალს. იხილეთ Sputnik-საქართველოს ვიდეო, თუ როგორ ჩატარდა ღონისძიება.
დიასპორების ფესტივალი პირველად გაიმართა ბათუმის ბულვარში. მასში მონაწილეობა ზღვისპირა ქალაქში მცხოვრები რვა დიასპორის წარმომადგენლებმა მიიღეს.
ფესტივალის მონაწილეებმა საკუთარ სტენდებზე წარმოადგინეს სხვადასხვა ინფორმაცია მათი ერისა და კულტურის შესახებ, გამართეს ეროვნული კერძების დეგუსტაცია და შეასრულეს სიმღერები და ცეკვები. ფესტივალს ესწრებოდა აჭარის მთავრობის ხელმძღვანელი ზურაბ პატარაძეც.
