თბილისი, 29 ივლისი — Sputnik. ბელარუსი ტურისტი არასასურველ ქორწინებას სასწაულმა გადაარჩინა — მძევლის გათავისუფლება პოლიციის სპეცოპერაციის შედეგად მოხერხდა, იუწყება ბელარუსის საგარეო საქმეთა სამინისტრო.
„თუ ფიქრობთ, რომ საგარეო საქმეთა სამინისტრო „აჭარბებს“ ექსტრემალურ სიტუეციებში ქცევის რეკომენდაციებთან დაკავშირებით, ძალიან ცდებით… 23 ივლისს ერთ-ერთ ცხელ ქვეყანაში ბელარუსის დიპლომატიურმა მისიამ მიიღო ინფორმაცია იმის შესახებ, რომ რესპუბლიკა ბელარუსის მოქალაქე ადგილობრივი გოგონას ნათესავებმა, რომელზეც დაქორწინებაზე მან უარი განაცხადა, მძევლად აიყვანეს“, — ნათქვამია საგარეო საქმეთა სამინისტროს Facebook-ის გვერდზე.
ტურისტმა მოახერხა ბელარუსის დიპლომატიური მისიისთვის ფარულად სმს-შეტყობინების გაგზავნა, რომელშიც მან თავისი ადგილსამყოფელი, შენობაში შეიარაღებული ადამიანების რაოდენობა და მათი განლაგება მიუთითა. ვაი-საქმროს გათავისუფლება ადგილობრივი პოლიციის სპეცოპერაციის შედეგად მოხერხდა. ტურისტი უკვე სამშობლოში დაბრუნდა.
„ასე რომ ყურადღება მიაქციეთ საგარეო საქმეთა სამინისტროს რეკომენდაციებს და სიფრთხილე გამოიჩინეთ დაქორწინების დაპირებებისას!“, — აფრთხილებს ბელარუსის საგარეო საქმეთა სამინისტრო.
