თბილისი, 25 ივლისი — Sputnik. საქართველოს ხელისუფლება აპირებს მოლაპარაკებები გამართოს 10 ქვეყანასთან არალეგალების დაბრუნების თაობაზე, შესაბამისი განკარგულება მთავრობის ვებ-გვერდზე გამოქვეყნდა.
საქართველოს პრემიერმა ხელი მოაწერა განკარგულებას, უნებართვოდ მცხოვრებ პირთა რეადმისიის (უკან დაბრუნების) შესახებ შეთანხმების ტექსტის მიღების მიზნით, ნოტების გაცვლის გზით მოლაპარაკებების გამართვის შესახებ.
მოლაპარაკებები გაიმართება ერაყის, ლიბანის, ავღანეთის, კამერუნის, კოტ-დივუარის, კონგოს, გამბიის, ტუნისის, სომალის და განის მთავრობებთან.
