თბილისი, 17 ივლისი — Sputnik. ე.წ. დეზერტირების ბაზარში ხანძარი ლიკვიდირებულია, განაცხადა შსს-ს საგანგებო სიტუაციების მართვის სააგენტოს მთავარი სამმართველოს უფროსის მოადგილემ დავით გელაშვილმა.
სააგენტოში ხანძრის შესახებ შეტყობინება 15:15 საათზე შევიდა. ადგილზე მობილიზებული იყო 10 სახანძრო-სამაშველო ბრიგადა.
"ხანძარი გაჩნდა საწყობში, სადაც ორი პატარა სამაცივრე ოთახია განთავსებული. დაიწვა დაახლეობით 180-200 კვადრატული მეტრი… ამ დროისათვის ხანძარი ლიკვიდირებულია", — განაცხადა გელაშვილმა საზოგადოებრივი მაუწყებლის პირველი არხის ეთერში.
ხანძრის შესაძლო მიზეზების შესახებ ჯერჯერობით ინფორმაცია არ ვრცელდება.
