თბილისი, 16 ივლისი — Sputnik. ხაშურში, ზემო სერის მთაზე სამონასტრო–საგანმანათლებლო კომპლექსი ახალი ბანა აშენდება.
სამონასტრო კომპლექსი ხაშური-სურამის ეპისკოპოსის, მეუფე სვიმეონის ინიციატივითა და სრულიად საქართველოს კათოლიკოს–პატრიარქის, ილია მეორის კურთხევით შენდება, აღნიშნულია საქართველოს მთავრობის ვებ–გვერდზე განთავსებულ განცხადებაში.
![Место, где будет построен новый монастырский комплекс Место, где будет построен новый монастырский комплекс - Sputnik საქართველო](https://cdnn1.img.sputnik-georgia.com/img/23664/82/236648292_0:0:1000:666_600x0_80_0_0_3ac42990382f5ef1f1c768ada021721f.jpg)
"იწყება მოქმედება ისტორიული მნიშვნელობის. ახალი ბანის საძირკვლის კურთხევა. ღმერთმა ინებოს, მადლი ღვთისა გარდამოვიდეს ამას ტაძარსა ზედა", – ბრძანა პატრიარქმა ილია მეორემ საძირკვლის კურთხევისას.
ცერემონიას ესწრებოდა საქართველოს პრემიერ–მინისტრი გიორგი კვირიკაშვილი, რომელმაც მომავალ კომპლექსს კათოლიკოს–პატრიარქის კიდევ ერთი მიღწევა უწოდა.
![Крест на месте строительства нового монастырского комплекса Крест на месте строительства нового монастырского комплекса - Sputnik საქართველო](https://cdnn1.img.sputnik-georgia.com/img/23664/83/236648370_0:0:1000:666_600x0_80_0_0_b6c798ec416658308394cf513b3090e4.jpg)
"ჩვენ შევთხოვთ უფალს, დღევანდელი დღე ყოფილიყოს ჩვენი ერის გამთლიანების, ხვალინდელი დღის იმედების აღსრულების დასაწყისი. დღევანდელი დღე ასევე გახლავთ ერთ-ერთი იმ მნიშვნელოვან გვირგვინთაგანი, რომლითაც აღინიშნება ჩვენი პატრიარქის მოღვაწეობა", – განაცხადა კვირიკაშვილმა.
პრემიერმა აღნიშნა, რომ წელს სრულდება ილია მეორის დაბადებიდან 85 და აღსაყდრებიდან – 40 წელი.
![Церемония начала строительства нового монастырского комплекса Церемония начала строительства нового монастырского комплекса - Sputnik საქართველო](https://cdnn1.img.sputnik-georgia.com/img/23664/84/236648433_0:0:1000:666_600x0_80_0_0_9603973dcaaeb7720b0513cdbbe31356.jpg)
"მინდა, ვისარგებლო შემთხვევით და მოგილოცოთ, თქვენო უწმინდესობავ, ეს ღირსშესანიშნავი, ძალიან მნიშვნელოვანი იუბილე მთელი ჩვენი ერისთვის. ამდენი ადამიანის სიყვარული მინდა, მოგილოცოთ პირველ რიგში და ყველა თქვენგანს მივულოცო ამ უმნიშვნელოვანესი კომპლექსის მშენებლობის დასაწყისი", – განაცხადა კვირიკაშვილმა.