თბილისი, 16 ივლისი – Sputnik. თურქეთში ავტოსაგზაო შემთხვევის შედეგად დაზარალებული ქართველი ბავშვების მდგომარეობა დამაკმაყოფილებელია, იუწყება სააგენტო Новости-Грузия საქართველოს საგარეო საქმეთა სამინისტროს პრეს-სამსახურის თანამშრომელზე დაყრდნობით.
ავტობუსი, რომელსაც ცეკვის ბავშვთა ანსამბლ „ლამპარის“ წევრები გადაჰყავდა, კვირას, დილით ტრაპიზონიდან 120 კმ-ში, გირესუნის პროვინციაში გადაბრუნდა.
Giresun'da öğrencileri taşıyan tur otobüsü devrildi
— Kudüs (@mburhanoncu) 16 июля 2017 г.
https://t.co/VH5L3h7YOe pic.twitter.com/tqoGOFCaLU
ინცინდენტის შედეგად 38 ადამიანი დაშავდა, რომლებიც ოთხ რაიონულ საავადმყოფოში მოათავსეს.
„საქართველოს საკონსულოს თანამშრომლებმა დაზარალებულები მოინახულეს. ამ დროისათვის მათი ჯანმრთელობის მდგომარეობა დამაკმაყოფილებელია, მათ სამედიცინო დახმარება უკვე აღმოუჩინეს. შემთხვევის ადგილზე აჭარის მთავრობის თავმჯდომარე და ჯანდაცვის მინისტრი მიდიან“, — განაცხადა უწყების წარმომადგენელმა.
Giresun'da trafik kazası: 23 yaralı https://t.co/5C5U97qhlA pic.twitter.com/NbT4ruKzq8
— Haber 2e (@haber2ecom) 16 июля 2017 г.
სამინისტრო დაზარალებული ბავშვების მშობლებთან მუდმივ კონტაქტზე იმყოფება, აღნიშნა მან.
მოცეკვავეები საქართველოდან თურქეთის გავლით ბულგარეთში გასტროლზე მიდიოდნენ. დაუდასტურებელი ინფორმაციით, ავარიის მიზეზი საბურავის გახეთქვა გახდა.
