თბილისი, 16 ივლისი — Sputnik. ტრაპიზონში მომხდარი ავტოსაგზაო შემთხვევის შედეგად, ქართული საბავშვო ანსამბლ „ლამპრების“ წევრები დაშავდნენ, იუწყება ტელეარხი Imedi.
ანსამბლი თურქეთში კონცერტზე მიემგზავრებოდა, ავტობუსში 36 ადამიანი იმყოფებოდა.
მძღოლის განცხადებით, ავარიის მიზეზი გადაჭარბებული სიჩქარე არ ყოფილა. საბედნიეროდ, ავტოავარიას ფატალური შედეგი არ მოჰყოლია.
ინფორმაციას ადასტურებს საქართველოს საკონსულო ტრაპიზონში. საკონსულოს წარმომადგენლები ადგილზე მიემგზავრებიან. მათი ინფორმაციით, მოზარდები სამედიცინო კლინიკაში მოათავსეს. ანსამბლის წევრების ნაწილს დღესვე გადმოიყვანენ საქართველოში.
