თბილისი, 14 ივლისი — Sputnik. ზუგდიდის რაიონულ პროკურატურასთან აქცია მიმდინარეობს, რომელსაც დაკავებული პაპუნა ნანეიშვილის ოჯახის წევრები მართავენ, იუწყება „Sputnik–საქართველოს“ კორესპონდენტი ჯემალ ღამბაშიძე.
პაპუნა ნანეიშვილი ერთი წლის წინ იარაღის უკანონო შენახვა-ტარებისთვის დააკავეს. დაკავებულს ექვსი წელი აქვს მისჯილი, მაგრამ იგი ბრალს არ აღიარებს.
განაჩენი ოჯახმა არაერთხელ გააპროტესტა, სასამართლომაც არაერთხელ განიხილა საკითხი, მაგრამ მოსამართლეს ერთი და იგივე განაჩენი გამოაქვს.
უკვე 55-ე დღეა პატიმარი საკანში შიმშილობს და მისი ჯანმრთელობის მდგომარეობა დამძიმდა.
როგორც „Sputnik–საქართველოსთან“ საუბრისას დაკავებულის მამიდამ მზისადარი ტურავამ განაცხადა, მოთხოვნის დაუკმაყოფილებლობის შემთხვევაში ოჯახი პერმანენტული აქციებით იმუქრება.
