თბილისი, 13 ივლისი — Sputnik. თბილისში 11 ივლისს 76 წლისა გარდაიცვალა კინორეჟისორი და სცენარისტი ალექსანდრ მაიოროვი.
როგორც "Sputnik-საქართველოს" რეჟისორის ოჯახის წევრებმა უამბეს, ბოლო ექვსი თვის განმავლობაში მაიოროვი ცხოვრობდა თბილისში და ავად არ ყოფილა. რეჟისორი უეცრად გარდაიცვალა, სიკვდილის მიზეზი თრომბოემბოლია აღმოჩნდა.
გამოსვენება — 14:00 საათზე, შაბათს 15 ივლისს. მისამართი — თამარაშვილის 11.
ალექსანდრ მაიოროვი წარმოშობით თბილისიდან იყო. 1966 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი. შემდეგ სწავლა რუსეთში გააგრძელა (თეატრის, მუსიკისა და კინემატოგრაფიის ლენინგრადის სახელმწიფო ინსტიტუტი (1974-1977), კინემატოგრაფიის რუსეთის სახელმწიფო ინსტიტუტი "ВГИК" (1980).
მუშაობდა კინოსტუდია "მოსფილმში", იყო რუსეთის კინემატოგრაფისტთა გილდიის წევრი. 1984-1995 წლებში ასწავლიდა რეჟისურას "ВГИК"-ში.
ალექსანდრ მაიოროვმა რამდენიმე მხატვრული და დოკუმენტური ფილმი და სერიალი გადაიღო, მათ შორის: "Золотые рыбки", "Шанс", "Побег на край света", "Маросейка, 12", документальный фильм "Рождество Христово" და სხვა.
