თბილისი, 13 ივლისი — Sputnik. აზერბაიჯანის, თურქეთისა და საქართველოს საგარეო საქმეთა მინისტრები ელმარ მამედიაროვი, მევლუთ ჩავუშოღლუ და მიხეილ ჯანელიძე შემდეგ კვირაში ბაქოში შეხვდებიან ერთმანეთს, იუწყება „Sputnik-აზერბაიჯანი“ სააგენტო Report-ზე დაყრდნობით.
შეხვედრა 18-19 ივლისს ჩატარდება.
„ჯერჯერობით სამი მინისტრის შეხვედრის პროგრამა ისახება. შესაძლებელია, ზოგიერთი ცვლილებაც მოხვდეს“, — განუცხადა სააგენტოს დიპლომატიურმა წყარომ.
სამი ქვეყნის საგარეო საქმეთა მინისტრები ბაქოში იმსჯელებენ რეგიონალური დღის წესრიგის მიმდინარე საკითხებზე, სამმხრივ თანამშრომლობაზე და სამი ქვეყნის ერთობლივ პროექტებზე.
