თბილისი, 10 ივლისი — Sputnik. „Sputnik საქართველოს“ მკითხველთა უმეტესობა ზაფხულის ცხელ დღეებში სახლში დარჩენას ამჯობინებს, ამაზე მეტყველებს ახალი ამბების სააგენტოს ვებ-გვერდზე ჩატარებული გამოკითხვის შედეგები.
კითხვაზე, როგორ უმკლავდებით ზაფხულის ხვატს, რესპონდენტთა 50%-მა უპასუხა, რომ ცდილობენ ქუჩაში არ გავიდნენ. ზაფხულის ცხელ ამინდში ბევრ წყალს სვამს გამოკითხულთა 28,6%. ცხელი ამინდი კი უყვარს 7,1%-ს.
გამოკითხვაში მონაწილეთა 14,3% ქალაქიდან გასვლით ცდილობს თავი დააღწიოს ზაფხულის ხვატს.
საქართველოში ივლისის თვის დასაწყისიდან განსაკუთრებით ცხელი ამინდები იყო. გასულ კვირაში ქვეყნის მთელ ტერიტორიაზე, მათ შორის, თბილისში ჰაერის ტემპერატურა +40 გრადუსს აღწევდა.
