თბილისი, 10 ივლისი — Sputnik. ევროპის ფეხბურთის ჩემპიონატზე 19-წლამდელთა შორის (U-19), რომელიც ამ დღეებში საქართველოში ტარდება, ყველა ნახევარფინალსტი გამოვლინდა.
В ჯგუფში თამაშების დასკვნით დღეს ინგლისის ნაკრებმა გერმანიის გუნდი დაამარცხა დიდი ანგარიშით – 4:1, მაქსიმალური ცხრა ქულიდან ცხრავე მოიპოვა და ოთხეულში პირველი ადგილი დაიკავა.
ამ ჯგუფიდან მეორე ნახევარფინალისტი ჰოლანდიის ნაკრები გახდა, რომელმაც ბულგარეთთან შეხვედრა ფრედ დაასრულა (1:1).
ამგვარად, პირველ ნახევარფინალში ერთმანეთს შეხვდებიან პორტუგალიისა და ჰოლანდიის ნაკრებები, ხოლო მეორე ნახევარფინალში — ინგლისისა და ჩეხეთის გუნდები.
ორივე მატჩი 12 ივლისს გაიმართება.